ولا انتي ولا غيرك .. ولا حتى السنين السود
تخلي دمعتي تنزل على خدي وأكفكفها
أنا أدري ان منيتك تشوفيني وأنا مهدود
ولكن إغسلي يدك .. محال دموعي أذرفها
أحبك !! كنت أحبك .. وحبك كان بي موجود
ولكن عشرتك الحين أنا من القلب عايفها
عطيتك كل ما أملك .. ولا فكرت بالمردود
وكل ما صدمتيني بجرح .. أقول أحباب طوفها
تقولين الخطأ وارد .. وأنا أقول الصبر بحدود
وتقولين البشر تخطي .. وأقول الناس عارفها
أعرف اللي ربا طيب .. وأعرف اللي ربا بجحود
وأعرف اللي سعى لأرضي .. مصالح بأرضي شايفها
وناسٍ لو تسولف لي أصدقها بليا شهود
وناسٍ من كثر كذبه بدون أسباب أحلفها
وانتي منتي أولهم .. ولا آخر المطرود
ولا انتي درس علمني عطايا القلب أطرفها
أنا ربي .. وهو ربك .. وهو الخالق المعبود
خلق نفسي عشان اني على الصعبات أكلفها
أنا ماني هذاك اللي إذا ضاقت عليه يعود
أنا يالضيقة تنسفني .. يا إما الضيقة أنسفها
ليست هناك تعليقات:
إرسال تعليق