ياللي دفنتو جـثته ليه تبكون؟
لولا الحيا .. لأقول : مـعـكم خـذوني
منه انحـرمت وكنت أنا عـنه مسجـون
ماأذكر لمحـته .. غير مره بـعـيوني !!
شفته .. وكانت فرحتي مالها لون
عـجـزت لأوصف .. من لمحـته شجـوني
ياليتني .. كنت الكفن يوم تمشون
أبقى مـعه بالقبر" ثم تدفنوني
أو ليتني .. من خـلفكم كنت(مجـنون)
أتبع خـطاكم والـعـذر هو : جـنوني
أبكي وراكم .. وادعـي ان كان تدعـون
مايكفي انه عـاش عـمره بدوني ؟؟
تكفون < هاكم عـمري اليوم تكفون
يرخـص حـياتي دام خـابت ظنوني
مافادني صبري!! ولافادني عـون
ولافادني دمع(ن) .. حـرق لي جـفوني
ياما بكيته والبكى يحـرق عـيون
ميت أو أنه حـي .. دمعي بـعـيوني!!
الـعـام كان بفرحـته .. يـعـزف لحـون
واليوم تحـت الآرض ماهو بكوني
لكن أنا في فرحـته .. كنت مدفون
فوق الثرى .. واليوم موته سجـوني
(سميت قلبي عـقب فرقاه ملـعـون)
هو والليالي .. عـن هناه أمنـعـوني
ياليتني .. ماعـشت لحـظه بها الكون
وياليت ربعي .. في سكات أذبحـوني
وياليتكم عـن همي اليوم تدرون
منه أنحـرمت > ومن عـزآه .. أح ـرموني
حـتى بوفاته !! يوم أنا طحـت مطـعـون
أخـفيت طـعـناتي .. قبل لايفضحـوني
بكيت !! ولكن . . ماتظاهرت بالهون
ابكي واقول : الموت هوسة طـعـوني
وأن كان في حـبي أنا .. ماتحـسون..؟!
دلوني لقبره .. وهناك ..أتركوني
ليست هناك تعليقات:
إرسال تعليق